Erabiltzailearen eskuliburua Behatokia

Euskal I+G+b-aren nazioartekotzea Ekonomiaren Susperraldiaren eta Enpleguaren aldeko Esparru Programaren helburuetako bat da eta Euskadi 2020, Zientzia, Teknologia eta Berrikuntza Planean dago sartuta. Estrategia honen helburua lehiakorragoak izatea eta enplegua, aberastasuna eta ongizatea ekarriko duen ezagutza berria eskuratzea eta sortzea da.

Europar Batzordearen Ikerketa eta Berrikuntza Esparru-Programa, Horizon 2020, aukeratzat jotzen dugu Euskadin. H2020 Programak nazioarteko lankidetza sustatzen du ikerkuntzaren, garapen teknologikoaren eta berrikuntzaren arloetan. Gainera, posizio lehiakorrean jartzen gaitu, Europak dituen erronka sozial handiei irtenbide emateko.

Gure enpresen eta Zientzia, Teknologia eta Berrikuntzaren Euskal Sarearen nazioarteko parte hartzea neurtzeko, Europako I+G+b proiektuetan euskal parte hartzea aztertzeko behatokia daukagu Euskadin.

Behatoki honek atal pribatua dauka, nazioarteko diruarekin -Europako Batzordearen I+G+b programen bidez batik bat-, euskal sistemako eragileen -enpresak barne- parte hartzea duten proiektuak erregistratzen dituena. Bestalde, atal publiko bat ere badauka. Bertan, aldian-aldian informazioa argitaratu eta I+G+b proiektuetan euskal eragileen parte hartzeari buruzko datu orokorrak kontsultatu ahal izango dira.